P I L T I K

 Durog kong pulso

    pumipitik sa tenga ko

Di na mabilang pintig nito

   pahina nang pahina

 

Naubos ang dugong dumadaloy

  nabarahan ng taba ng sakit

na tumalos pati buto

Namilipit ang ugat sa katawan

  nagpalaya sa ungol at

kumawala sa hapong tinig

  mula sa kahapon

Dayain ang  sarili

  sa kawalan

walang maramdaman

Patay na nga,durog,

  basag na ang organ

ng buhay  na umukit

   sa katauhan

Unti-unting naihip ng hangin

  ang sindi ng munting

ilaw ng pag-asa

  dumidilim..

Wala nang malay

  ang damdamin

 nalanta ang rosas

namatay ang ilaw

Naglaho na nga

  ang busilak na pagibig

na noo'y pinipitik ng pulso..




FOR SUBMISSION!!
BSE-2A1!